Þegar ekkert heyrist frá Júlíu má bóka að hún er að gera eitthvað af sér (eins og öll önnur börn býst ég við). Ég var að lesa moggann inni í borðstofu þegar ég áttaði mig á að ekkert hafði heyrst frá litla orminum mínum í smá stund þannig að ég leit upp.

Barnið mitt var horfið og í staðin var kominn lítill súkkulaðigrís!

Við höfðum nefnilega verið með súkkulaðimola í skál á stofuborðinu sem ekki bara hafði gleymst að setja þar sem Júlía komst ekki í það með litlu krumlunum sínum heldur var það búið að vera í sólbaði í allan morgun og orðið að súpu.

Júlía stóð þarna með aðra krumluna á kafi í súpunni og að nota hina til að maka súkkulaði í andlitið sitt.

Jájá, maður byrjar aldrei of snemma að koma börnunum sínum upp á bragðið er það nokkuð?

No tags

3 comments

<< What?

Í dag! >>