ATH

pVefurinn okkar bilaði… þess vegna er allt stopp hér… Unnið er myrkrana á millia að lagfæringu!/p pmbk./p pNefndin/p

Gaman í sundi

Nú er Pipersväg fjölskyldan loksins búin að prófa að fara í sund í Svíþjóð, eftir aðeins rúmlega þriggja ára dvöl hér.
Stefnan var tekin á Mörbybadet sem má segja að sé í nánasta nágreni við Pipersväg ásamt okkar kæru grönnum og vinum, Lindu, Pálmari og Heklu og okkar kæru vinum Gumma, Rakel og Lilju Marín.

Það sem var einna áhugaverðast við þessa sundferð var að við fengum að sjá börnin okkar í öllum regnbogans litum.
Fyrst voru þau venjuleg. Svo urðu þau öll blá þar sem vatnið í lauginni var með svipað hitastig og Norður Atlantshafið um hávetur. Og svo urðu þau rauð og bleik þegar við fórum með þau í gufuna til að hita þau aftir upp.

Það sem var ennþá áhugaverðara var að öll börn skemmtu sér mjög mjög vel og geta ekki beðið eftir að fá að fara aftur hvað svo sem foreldrunum finnst um það…

The terrible two…

Það  er ekki tekið út með sældinni að breytast úr smábarni yfir í krakkalakka eða hvað svo sem það er sem er að gerast með einn lítinn tveggjárling.

Aumingja Emis okkar gengur nú í gegnum tímabil þar sem afar erfitt virðist vera að ráða nokkuð við tilfinningarnar sínar. Hlutir eins og að mamma sé að elda grautinn en ekki pabbi (eins og hún vill) geta verið orsök risavaxins dramakasts af hennar hálfu.

Inn á milli er hún nú samt sem betur fer ennþá elsku litli sykurpúðinn okkar, ljúf eins og lamb og endalaust væn og góð.

Það er bara vona að þessi tilfinningarússibani gangi fljótt yfir…